"Liverpul"un baş məşqçisi Yurgen Klopp klubda çalışdığı dönəm komandaya qazandırdığı ən yaxşı futbolçunu açıqlayıb.
Sportinfo.az xəbər verir ki, alman mütəxəssis Trent Aleksander-Arnoldu fərqləndirib. 52 yaşlı çalışdırıcı ingilis futbolçunun inkişafı üçün çox çalışdıqlarını söyləyib.
"Trenti əsas heyətə götürmək məcburiyyətində deyildik. Sadəcə, onu köməkçim Pep Linders gətirdi: "Gənclər komandasında yarımmüdafiə və müdafiənin cinahlarında oynayıb", - dedi.
Əsas komanda ilə hazırlaşmağa başladı. Amma bir ptoblemi var idi: fiziki cəhətdən kifayət qədər yaxşı deyildi. Trent çox gənc idi, ancaq dərhal gördük ki, bacarıqlarına şübhə ola bilməz.
Fiziki inkişafı üçün çox çalışdıq. Sonra öz-özünə inkişaf etməyə başladı. Bu, sadəcə, inanılmaz idi. Çalışmaqdan imtina etmədi", - Klopp "Daily Mirror"a açıqlayıb.
21 yaşlı sağ cinah müdafiəçisi "qırmızılar"ın yetirməsidir. O, 2016-cı ildə əsas komandada debüt edib. "Liverpul" Klopp gəldikdən sonra Sadio Mane, Məhəmməd Salah, Alisson Beker, Vircil van Dayk, Corcino Veynaldum, Endryu Robertson kimi futbolçular transfer edib.
