“Çelsi”nin baş məşqçisi Maurisio Poçettino tənqidçiləri klubdakı hazırkı vəziyyəti ayıq şəkildə qiymətləndirməyə çağırıb.
Sportinfo.az xəbər verir ki, o, komandada çoxlu zədəli futbolçu olduğunu xatırladıb:
“Ən yaxşı oyunçularınız zədəli olduqda yaxşı çıxış etmək çətindir. Bütün hallar nəzərə alınmasa da, bizi nəticələrə görə qiymətləndirirlər.
İnsanlar bizi məğlubiyyətə görə tənqid edirlər. Lakin heç vaxt özlərinə sual vermirlər: Niyə belə oldu?”
Zədə səbəbindən klubun futbolçuları Ris Ceyms, Ben Çiuell, Uesli Fofana, Kristofer Nkunku və Romeo Lavias oyunlarda iştirak edə bilmirlər.