Yayda "Real"a transferi baş tutmayan PSJ-nin hücumçusu Kilian Mbappeni "Mançester Siti" heyətinə qatmaq istəyir.
Sportinfo.az xəbər verir ki, "şəhərlilər" mövsümün sonunda Paris təmsilçisi ilə müqaviləsi bitəcək futbolçu üçün hərəkətə keçib.
Britaniya mətbuatının məlumatına əsasən, Mançester təmsilçisi Fransa millisinin üzvünə ən sərfəli şərtlərlə müqavilə təklif edəcək.
22 yaşlı hücumçunun PSJ ilə müqaviləsi mövsümün sonunda başa çatacaq. O, yanvarda istənilən klubla danışıqlar aparmaq hüququna sahib olacaq.
