İngiltərə yığmasının baş məşqçisi Qaret Sautqeyt İngiltərə Futbol Assosiasiyasına tövsiyə verib.
Sportinfo.az xəbər verir ki, Sautqeyt Asiya mənşəli futbolçulara daha çox diqqət ayırmalı olduqlarını bildirib:
“Bizim düşüncəmizdə tarixən yanlış fikir formalaşıb. Elə hesab etmişik ki, asiyalılar idmana uyğun gəlmirlər. Bu, çox gülünc yanaşmadır.
Futbolu indi bütün dünyada oynamağı bacarırlar. Ona görə də hesab edirəm ki, Asiya regionu bizim üçün uyğun məkandır.
Məsələyə yaradıcı yanaşmalı, orada axtarışlar aparmalı, Asiyadakı istedadlı uşaqları inkişaf edə, rəqabət apara biləcəkləri yerə gətirməliyik. Akademiyalar bu məsələyə ciddi yanaşmalıdırlar”.