Sportinfo.az xəbər verir ki, İngiltərə millisinin baş məşqçisi Qaret Sautqeyt Avro-2020-nin 1/8 final mərhələsi çərçivəsində baş tutacaq Almaniya ilə qarşılaşma barədə fikirlərini bölüşüb.
“Bu komanda üçün Almaniya ilə oyunda tarix yazmaq və insanlara ingilislərin almanlarla qarşılaşmaları barədə son günlər tez-tez eşitdiklərindən fərqlənən yeni xatirələr hədiyyə etmək üçün əla şansdır”, - deyə Q.Sautqeyt bildirib.
İngiltərə böyük turnirlərdə Almaniya millisinə cəmi iki dəfə qalib gəlib.
Bunlardan biri 1966-ci ildə olub. Həmin vaxt ingilislər dünya çempionu olublar. İkinci qarşılaşma isə Avro-2000-in qrup mərhələsində baş tutub.
1966-cı ildə İngiltərədə keçirilən Dünya Kubokunun finalında yan hakim Tofiq Bəhramovun İngiltərə millisinin lehinə verdiyi obyektiv qərar Uembli stadionuna toplaşmış 98000 tamaşaçının yaddaşına həkk olmuş və dünya futbol tarixinin ən mübahisəli epizodlardan biri sayılır.
