Azərbaycandan ayrılandan sonra klubsuz qalan portuqaliyalı futbolçunun işsiz günləri başa çatıb.
Ö yay “Karvan-Yevlax”ın heyətinə qatdığı Vitor Rosa (Pisko) uzaq İslandiyaya yola düşüb.
Yarımmüdafiəçi dekabrda “Karvan-Yevlax”dan ayrılandan sonra ada dövlətinin yüksək liqasında mübarizə aparan IBV ilə 2026-cı ilin noyabrına qədər anlaşıb.
İslandiya təmsilçisi sosial şəbəkə hesablarında Vitorun transferi barədə məlumat verərək sonuncu klubunun “Karvan-Yevlax” (Azərbaycan) olduğunu qeyd edib.
O, ölkəmizdə top qovduğu 5 ay ərzində Premyer Liqada 8, Azərbaycan kubokunda 2 oyunun iştirakçısı olmaqla heç nə ilə yadda qalmayıb.
Roşa karyerası ərzində “Trofense”, “Sertanense”, “Sousense”, “Olimpiakos”(Nikosiya), “Uniao Madeyra”, “Oliveyrense”, “Anadiya”, “Sanxoanense” komandalarında çıxış edib.
HƏBİB / SPORTİNFO.AZ
