Cari mövsüm təəccübləndirməkdə davam edən “İmişli” növbəti ciddi sınaqla üz-üzədir.
Ötən həftə səfərdə “Neftçi”ni məğlub edən aran təmsilçisi bu dəfə avrokuboklara vəsiqə üçün əsas namizədlərdən sayılan “Sabah”ı qəbul edəcək.
“Tələbələr”in iddialılarla duellərdən üzüağ çıxıb nisbətən zəiflərlə görüşlərdə xal itirməsi yazılmamış qanunə çevrilib.
Elə “İmişli” ilə ilk dövrədə Bakıda keçirilən görüşdə də bölgə təmsilçisi qalib gələn tərəf olmuşdu – 1:0.
Qubada baş tutacaq oyunda meydan sahiblərinin şərəfini qoruyacaq braziliyalı müdafiəçi Dioqo Rollo Sportinfo.az-a açıqlamasında matçla bağlı fikirlərini səsləndirib:
“Meydanın durumunu nəzərə alsaq, hər iki komanda üçün çətin olacaq. Mövcud şərtlər komandalar üçün eynilik təşkil edir.
“Neftçi”ylə qarşılaşmadan sonra yorğunluğumuzu çıxarıb, hazırlaşmışıq. Məqsədimiz hər matçdan qələbə ilə ayrılmaqdır. Başqa nəticə bizi maraqlandırmır.
“Sabah”a hörmət edirik, lakin qorxmuruq. İstəyimizə çatmaq üçün əvvəldən sona qədər mübarizə aoparacağıq”.
Noyabrın 30-da Quba Olimpiya İdman Kompleksinin meydanında keçirilək duel saat 14:50-da start götürəcək.
HƏBİB
.jpg)
