Ermənistan parlamentinin sədri Alen Simonyan ölkə mediasında ciddi rezonans doğuran növbəti etirafı səsləndirib.
O, “ArmComedy” podkastına müsahibəsində Ermənistanın bir sıra sahələrdə ümumilikdə 110 kv.km Azərbaycan ərazisini nəzarətdə saxladığını bildirib.
Simonyan bu sözləri açıq şəkildə deyib:
“Xəritədə yerləri göstərim?! Deyirəm ki, təxminən 110 kv.km biz onların ərazisindəyik (məsələn, Tavuş istiqamətində). Təxminən 200 kv.km – onlar bizim ərazimizdə. Rəsmi şəkildə deyirəm ki, hətta 90-cı illərdən bəri irəlidə olduğumuz yerlər də var”.
Xatırladaq ki, Ermənistan Azərbaycanın 4 kəndini indiyədək işğalda saxlayır. Hələ söhbət keçmiş SSRİ rəhbərliyinin Ermənistana hədiyyə etdiyi torpaqlardan getmir.
