"Əgər Paşinyan dediklərini şifahi şəkildə imzalasa..."

3 İyun 2023 12:30 Gündəm 413
"Əgər Paşinyan dediklərini şifahi şəkildə imzalasa..."

“2018-ci ildə hakimiyyət dəyişikliyindən, yəni əslində, yanlış seçim edildiyi bəlli olduqdan sonra erməni xalqı özünü ardı-arası kəsilməyən alçaldılma dövrünə gətirdi”.

Bu barədə Ermənistanın keçmiş xarici işlər naziri Vardan Oskanyan Facebook səhifəsində yazıb.

“Biz 44 günlük müharibədə ağır məğlubiyyəti rüsvayçılığın kulminasiya nöqtəsi sayırdıq, amma sən demə bu, belə deyilmiş.

Növbəti addım Nikol Paşinyan Qarabağı ilk dəfə şifahi olaraq Azərbaycana təslim etdiyi an olub və tezliklə şübhəsiz, onun dedikləri yazılı şəkildə həyata keçiriləcək.

ndi Nikol Paşinyan Kişinyovdadır. Onun sənədi imzalayıb-imzalamayacağını bilmirəm, amma bu danışıqların nəticəsi hamı üçün həlledicidir.

Hesab edirəm ki, bu gün Ermənistanın Azərbaycanla hər hansı sənəd imzalamaqdan yayınmaq imkanı var. Nikol Paşinyan hər hansı sənədi imzalamaq istəyirsə, bunu Qarabağın gələcək statusuna dair qeyd-şərtlə etməlidir.

Əgər Paşinyan dediklərini şifahi şəkildə imzalasa, bu, erməni xalqı üçün dönməz milli faciəyə çevriləcək”,-deyə Oskanyan bildirib.

Digər Xəbərlər
Xəbər Lenti