«Kəpəz»in transferini rəsmən açıqlamağa hazırlaşdığı yeni legionerin kimliyi məlum olub.
Premyer Liqaya qayıdan Gəncə klubu Ahmied Aljaburi ilə anlaşıb.
29 yaşlı hücumçu vaxtilə İranın aşağı yaş qrupları üzrə yığmalarının formasını geyinib.
Arazın o tayından gələn forvardla 10 aylıq müqavilə şərtləri razılaşdırılıb. «Susangerd»in yetirməsi ölkəsində olaraq «Naft MS»ın şərəfini qoruyub.
O, daha öncə «Naft Əhvaz», «Hafari Əhvaz», «Fulad Novin», «İstiqlal Əhvaz», «İpanjavan», «Nassaji», «Badran Tehran», «Padideh Xorasan» və «Fulad»ın uğurları üçün tər töküb.
SPORTİNFO.AZ
