"Araz-Naxçıvan" futzal klubu UEFA Çempionlar Liqasının əsas mərhələsində növbəti oyununu keçirib.
Sportinfo.az xəbər verir ki, Joze Alesio Da Silvanın baş məşqçi olduğu kollektiv V qrupdakı ikinci görüşündə Serbiya "Loznika Qrad"ı ilə üz-üzə gəlib.
Bosniya və Herseqovinanın Mostar şəhərindəki "Mithad Hujdur Hujka Arena"da oynanılan görüş rəqibin 4:1 hesablı qələbəsi ilə başa çatıb. Azərbaycan çempionundan yeganə qolu 19-cu dəqiqədə Vitao vurub.
Qrupda keçirdiyi ardıcıl ikinci oyunda da uduzan "Araz-Naxçıvan" növbəti mərhələyə çıxmaq şanslarını itirib.
Qrupun digər görüşündə Bosniya və Herseqovina "Mostar"ı İsveç "Erebru"su ilə qarşılaşacaq.
"Lozniça Qrad" (Serbiya) - "Araz-Naxçıvan" (2:1) 4:1
27 oktyabr. Mostar. Mithad Hujdur Hujka Arena. Saat 19:30
Hakimlər: Jan Kresta (Çexiya), Josip Dujmiç (Xorvatiya), Viktor Chaix (Fransa)
Timekeeper: Farik Keco (Bosniya və Herseqovina)
Hakim-inspektor: Boqdan Soresku (Rumıniya)
UEFA nümayəndəsi: Viktor Beceyro (İspaniya)
Qollar: Mladen Kociç, 12:02, 36:59, Nemanja Milosavljeviç, 15:55, Dorde Rosiç, 23:02 // Vitao, 18:27
Sarı vərəqələr: Sinesio, 13:24, Alesio, 15:40, Ponçe, 27:54, Pedro Torres, 34:18 // Dandan, 25:26, Dorde Rosiç, 27:30
