"Bu ay Çempionlar Liqasında iştirak edəcəyik".
Sportinfo.az xəbər verir ki, bu sözlər Azərbaycan yığmasının legioneri Tyaqo Bolinyaya məxsusdur.
"Sportinq Paris"in heyətində Fransa çempionu olmuş braziliyalı hazırkı klubunda özünü xoşbəxt hiss etdiyini bildirib:
"Komanda yoldaşlarımı yaxşı tanıyıram. Orada olmaqdan məmnunam.
Qarşıya ciddi məqsədlər qoyulub. Xüsusilə də ÇL-da uğurlu çıxış etmək istəyirik.
Maraqlıdır ki, qrupumuzda yer alan digər klubların heyətində milli komandadakı yoldaşlarım da var. Eduardo Borges və Rafael Vilela ilə bu dəfə rəqib kimi üz-üzə gələcəyik.
Çox çətin olacaq. Ancaq heyətimiz güclənib, yaxşı qapıçı dəvət olunub, Fineo və daha bir braziliyalı oyunçu ilə anlaşıblar".
