Azərbaycan klubu ÇL-də mübarizəyə başlayır – BU GÜN

21 Avqust 2021 14:40 Futzal 586
Azərbaycan klubu ÇL-də mübarizəyə başlayır – BU GÜN

Bu gün “Araz-Naxçıvan” futzal üzrə UEFA Çempionlar Liqasının ilkin mərhələsində mübarizəyə start verəcək.

Sportinfo.az xəbər verir ki, son ölkə çempionu ilk oyununda Cəbəllütariqin "Europa" kollektivi ilə üz-üzə gələcək.

Latviyanın Salaspils şəhərində keçiriləcək qarşılaşma Bakı vaxtı ilə saat 15:00-da başlayacaq. Görüşü italiyalı Dario Pezzuto idarə edəcək.

İlkin mərhələnin oyunlarına 8 ölkə ev sahibliyi edir. Avqustun 20-dən 25-dək keçiriləcək matçlar Almaniya, İsveçrə, Şimali Makedoniya, Yunanıstan, Estoniya, Latviya, Albaniya və Monteneqroda təşkil ediləcək.

Reqlamentə uyğun olaraq, 9 komanda - 8 qrup qalibi və ikinci pillədə yer alan iştirakçılardan ən yaxşı göstəriciyə malik bir klub əsas mərhələyə vəsiqə qazanacaq.

Xəbər Lenti