.jpg)
“Fineo zədəli olduğuna görə Slovakiya və Yunanıstana qarşı oyunlarda iştirak etmədi.
Düzdür, o, məşqlərə başlayıb, amma tam hazır deyil. Bakıdakı oyunda iştirak edib-etməyəcəyini deyə bilmərəm“.
Sportinfo.az xəbər verir ki, bunu futzal üzrə Azərbaycan millisinin baş məşqçisi Joze Alesio Da Silva deyib.
Yığmamız Avropa çempionatının seçmə qrup oyunları çərçivəsində Moldova ilə martın 4-də evdə, martın 9-da səfərdə üz-üzə gələcək.
Braziliyalı mütəxəssis heyətlə bağlı problemlərin olduğunu vurğulayıb: “Ümid edirəm ki, ən pis halda səfərdəki oyuna hazır olacaq. İsa Atayevin də yüngül zədəsi var, Fineodan fərqli olaraq o, bizə kömək edəcək vəziyyətdədir”.
