.jpg)
"Azarkeşlərin tribunalardan fitə basmalarını sevirəm. Bu, məni daha da motivasiya edir".
bu fikirləri "Yuventus"da çıxış edən Portuqaliya millisinin futbolçusu Kriştianu Ronaldo İsveçi səfərdə 2:0 hesabı ilə məğlub etdikləri matçdan sonra "Record"a açıqlamasında deyib.
35 yaşlı hücumçu matçların azarkeşsiz keçirilməsinə toxunub. Ümumdünya Səhiyyə Təşkilatının (ÜST) qərarlarının önəmli olduğunu sözlərinə əlavə edib:
"ÜST azarkeşləri qəbul etməklə bağlı şəraitin olmadığını deyirsə, deməli, belədir. Sağlamlıq və insanların həyatı birinci yerdədir. Ancaq tribunalarda azarkeşsiz oynamaq - sirkə getmək və orada klounları görməmək kimi bir şeydir".
Qarşılaşmada dubl edən Kriştianu Ronaldo vurduğu birinci qolla milli komandalarda 100-cü qola çatan ikinci futbolçu olub. O, bu göstəricidə yalnız İran seçməsinin Azərbaycan əsilli forvardı Əli Daeidən geri qalır. Veteran futbolçunun aktivində 109 qol var.
.jpg)
