Avropanın bu ölkəsində mövsümə erkən yekun vuruldu

20 May 00:28 Dünya futbolu 111
Avropanın bu ölkəsində mövsümə erkən yekun vuruldu

Uels Futbol Assosiasiyası koronavirusa görə dayandırılan milli çempionata yekun vurulması haqda qərar qəbul edib.

Sportinfo.az xəbər verir ki, bu barədə qurumun rəsmi saytı məlumat yayıb.

Federasiyanın bayrağı altında keçirilən dörd liqanın hamısında mövsümə vaxtından əvvəl yekun vurulduğu açıqlanıb. Klublar fərqli sayda oyun keçirdiyi üçün onların topladığı xallar orta hesabla sayılıb.

Yüksək Liqada “Konnas Kuey” 26 turdan sonra 56 xalla birinci olub və çempion elan edilib. Bu, klubun tarixində ilk çempionluğudur.

Çempion olduğu üçün bu klub Uelsi UEFA Çempionlar Liqasında təmsil etmək hüququ qazanıb. 2-ci və 3-cü yerləri tutan TNS və “Bala Taun” klubları Avropa Liqasında mübarizə aparacaq.

Bundan əvvəl Avropa ölkələrindən Fransa, Belçika, Cəbəllütariq və Şotlandiyada liqaya yekun vurulmuş, Niderlandda isə mövsüm ləğv edilmişdi.

Xəbər Lenti