Misir Salahı "itirdi"

13 Noyabr 10:19 Dünya futbolu 236
Misir Salahı "itirdi"

Misir yığması ciddi itki ilə üzləşib. Sportinfo.az xəbər verir ki, sözügedən komandanın lideri Məhəmməd Salah zədəli olduğu üçün millinin düşərgəsini tərk etmək məcburiyətində qalıb.

“Liverpul”un şərəfini qoruyan Salah İngiltərə Premyer Liqası çərçivəsində “Mançester Siti”yə qarşı keçirdikləri oyun zamanı zədə almışdı. Zədəli halda düşərgəyə gedən hücumçunun Misir yığmasına kömək edə bilməyəcəyini müəyyənləşdirən həkimlər onun İngiltərəyə qayıtmasını məqsədəuyğun hesab edib.

Ulduz futbolçunun zədəsinin sağalma müddəti açıqlanmır. Misir yığmasını qarşıdakı günlərdə Afrika Kubokunun seçmə mərhələsi çərçivəsində Keniya və Komor adaları ilə oyunlar gözləyir.

Xəbər Lenti