"Bu, həyatımın arzusu idi".
Sportinfo.az xəbər verir ki, bunu Paris-2024 Yay Olimpiya Oyunlarına lisenziya qazanan Azərbaycan avarçəkəni Diana Dımçenko deyib.
Macarıstanın Seqed şəhərində təşkil edilən Avropa Olimpiya Təsnifat reqatasında buna nail olan idmançı çox xoşbəxt olduğunu bildirib:
"Arzum gerçəkləşdi. Çox razıyam.
Bundan sonra daha çox iş görmək lazımdır. Təbii ki, çox çətin idi.
Güclü külək çıxışımıza mane olurdu. Ancaq bu tək mənə yox, hamıya aiddir".