Özbəkistanın paytaxtı Daşkənddə keçirilən cüdo üzrə “Böyük dəbilqə” turnirinin ikinci yarış günü Azərbaycan milli komandası üçün uğurlu olub.
Sportinfo.az xəbər verir ki, bu dəfə millimizin 3 üzvü tatami üzərinə çıxıb.
73 kq çəki dərəcəsində yarışan Rüstəm Orucov nüfuzlu yarışın bürünc medalını qazanıb. Cüdoçumuz 3-cü yer uğrunda görüşdə Obidxon Nomonova (Özbəkistan) qalib gəlib.
Digər 2 təmsilçimiz - Hidayət Heydərov və Murad Fətiyev (hər ikisi 81 kq) turniri medalsız başa vurub.
Cüdo millimiz yarışa 10 kişi və 2 qadın idmançı ilə qatılıb.