.jpg)
İsrailin paytaxtı Təl-Əvivdə keçirilən cüdo üzrə “Böyük Dəbilqə” yarışında qeyri-adi qərar tətbiq olunur.
Sportinfo.az xəbər verir ki, Beynəlxalq Cüdo Federasiyasının bir-biri ilə üzbəüz güləşsələr də, təhlükəsizlik səbəbindən idmançıların yekunda görüşməməsi barədə çıxardığı qərar bu yarışda da qüvvədədir.
Lakin hakimlərdən bu qaydanı unudanlar da olur. Məsələn, 66 kq çəki dərəcəsində slovakiyalı Matey Polyak və perulu Xuan Postiqosun görüşündə cüdoçular tatamini tərk etməzdən əvvəl bir-birinin əlini sıxıb.
Eyni hakim 60 kq çəki dərəcəsində Azərbaycan təmsilçisi Davud Məmmədsoyla almaniyalı Morits Plafkinin görüşündə cüdoçuların bir-birləri ilə əl sıxmasına imkan verməyib.
Həmin qarşılaşmada Məmmədsoy rəqibinə ipponla qalib gəlib.
