Azərbaycan millisinin hücumçusu Ramil Şeydayevin agenti Jelko Dekiç hücumçunun “Kocaelispor”a (Türkiyə) uyğunlaşmasından danışıb,
Sportinfo.az xəbər verir ki, o, "Metaratings"ə açıqlamasında Şeydayevin Rusiya Premyer Liqasına mümkün qayıdışı ilə bağlı sualı da cavablandırıb:
“Türkiyə çempionatı Ramilə çox yaraşır. Şeydayevin əla fiziki hazırlığı var, amma ona bir az vaxt lazımdır.
Sonra əla oynayacaq. Onun komandası Türkiyə Superliqasına vəsiqə qazanmaq üçün favoritlər sırasındadır.
Şeydayev Rusiya Premyer Liqasına qayıtmağı planlaşdırır? Rusiya onun evidir. Ramil bir gün mütləq qayıdacaq”.
Sankt-Peterburq "Zenit"inin yetirməsi olan Şeydayev Rusiyada "Dinamo" (Moskva) və "Krılya Sovetov", Azərbaycanda isə "Sabah"la "Qarabağ"da çıxış edib.