Niderland I Divizionunda 28-ci turun oyunları keçirilir.
Sportinfo.az xəbər verir ki, Azərbaycan millisinin vingeri Ozan Can Kökçünün formasını geyindiyi "Eyndhoven" doğma meydanda "Yanq AZ Alkmar"ı qəbul edib.
Qarşılaşma 1:1 hesablı bərabərliklə başa çatıb.
Ozan Can da bu görüşün iştirakçısı olub. 25 yaşlı yarımmüdafiəçi matça start heyətdə başlayıb və 90 dəqiqə meydanda qalıb.
O, 65-ci dəqiqədə komandasına 1 xal qazandıran qolun müəllifi olub. Ozan Can həmçinin 90+3-cü dəqiqədə sarı vərəqə ilə cəzalandırılıb.
28 oyun keçirən "Eyndhoven" 34 xalla turnir cədvəlinin 14-cü pilləsində qərarlaşıb.
