Azərbaycan millisinin hücumçusu Mahir Emrelinin də formasını geyindiyi "Dinamo" (Zaqreb) Konfrans Liqasının pley-off mərhələsində ilk oyununa çıxıb.
Sportinfo.az xəbər verir ki, Zaqreb təmsilçisi İspaniya "Betis"i ilə səfərdə qarşılaşıb. Matçda "Dinamo" La Liqa komandasını 1:0 hesabı ilə məğlub edib.
Yeganə qolu isə 75-ci dəqiqədə penaltidən Bruno Petkoviç vurub.
Mahir Emreli zədə səbəbindən bu oyunda iştirak etməyib.
"Dinamo" ilə "Betis" arasında cavab görüşü fevralın 22-də oynanılacaq.
