Azərbaycan millisinin üzvü Coşqun Diniyevin də çıxış etdiyi "Ümraniyespor" Türkiyə 1-ci liqasında 22-ci tur oyununu keçirib.
Sportinfo.az xəbər verir ki, komanda səfərdə "Corum"la qarşılaşıb.
"Ümraniyespor" oyundan qələbə ilə ayrılıb - 1:0. Yeganə qolu 34-cü dəqiqədə Dimitri Kavare vurub.
Coşqun da bu oyunda iştirak edib. Yarımmüdafiəçi 69-cu dəqiqədə Emre Demirin əvəzlənməsi ilə meyana daxil olub.
Hazırda turnir cədvəlində "Corum" 35 xalla 6-cı, "Ümraniyespor" isə 27 xalla 10-cudur.
