FIFA referisi Əliyar Ağayev növbəti dəfə Yunanıstan Superliqasının oyununa təyinat alıb.
Sportinfo.az xəbər verir ki, ədalət təmsilçisi fevralın 11-də keçiriləcək XXII turun PAOK - AEK matçını idarə edəcək.
Ona Zeynal Zeynalov və Akif Əmirəli yardımçı olacaqlar. Yerli referi Diamantopulos dördüncü hakim funksiyasını yerinə yetirəcək.
Digər FIFA referimiz Elçin Məsiyev Reynhard Buxbaumla birlikdə VAR hakimidir.
Qarşılaşma Bakı vaxtı ilə saat 22:00-da başlayacaq. PAOK 50 xalla liderdir. İki xal az toplayan AEK ikinci pillədə qərarlaşıb.
