Azərbaycan yığmasının sabiq müdafiəçisi Ruslan Abışov «İnter»in (indiki «Şamaxı») sabiq baş məşqçisi Kaxaber Sxadadze ilə görüşüb.
«Dinamo» onları bir araya gətirib.
Cütlük hazırda Türkiyənin Antalya bölgəsində təlim-məşq toplanışı keçən Mahaçqala klubunun düşərgəsində yer alıb.
Gürcüstanlı mütəxəssis həmişə 5-3-2 taktiki sxeminə üsünlük verdiyindən, Rusiya klubunu eyni üslubda oynayan Kurban Berdıyevin iş prinsipləriylə yaxından tanış olmaq üçün bu ölkəyə gəlib.
İstər Abışov, istərsə də Sxadadze birinci liqa təmsilçisinin hazırlıq prosesində iştirak edir.
Onların günü də bir yerdə keçir. Gürcü çalışdırıcı məşqçi olmaq istəyən Abışova təcrübəsini bölüşür, öz məsləhətlərini verir.
SPORTİNFO.AZ
