Azərbaycan millisinin müdafiəçisi Rahil Məmmədovun formasını geyindiyi LKS (Polşa) Türkiyədə təlim-məşq toplanışı çərçivəsində sonuncu yoxlama oyunu keçirib.
Sportinfo.az xəbər verir ki, komanda Şimali Makedoniya təmsilçisi "Struqa" ilə qarşılaşıb.
Matç LKS-nin 4:3 hesablı qələbəsi ilə başa çatıb.
R.Məmmədov meydana start heyətdə çıxıb və 75-ci dəqiqədə hesab 3:3 olarkən əvəzlənib.
Rahil yanvarda "Qarabağ"dan Polşa klubuna keçib. Məmmədovla 1.5 illik müqavilə imzalanıb.
LKS - "Struqa" 4:3
Qollar: Yakub Letniovski, 9 (1:0), Marjan Radeski, 25 (1:1), Dani Ramirez, 34 (2:1) Besart İbraimi, 39 (2:2), Besart İbraimi, 55 –pen (2:3), Dani Ramirez, 64 (3:3), Pirulo, 81 –pen. (4:3)
