Azərbaycan millisinin və “Arda”nın (Bolqarıstan) formasını geyinən Cəlal Hüseynov Türkiyə klublarının diqqət mərkəzindədir.
Sportinfo.az xəbər verir ki, sportal.az-a verilən məlumata görə, birinci liqada mübarizə aparan “Kocaelispor” 21 yaşlı müdafiəçi üçün hərəkətə keçib.
İzmit təmsilçisi Cəlalı öncə icarəyə götürmək istəyir.
Bununla yanaşı isə, aşağı liqanın iddialılarından olan klub gələcəkdə onun transfer hüququna da yiyələnməyi planlaşdırır.
Lakin Bolqarıstan klubunun “Kocaelispor”un Cəlalla bağlı təklifinə necə cavab verəcəyi dəqiq deyil.
Hazırda "Kocaelispor"un heyətində millimizin digər üzvü Ramil Şeydayev forma geyinir.
