“Açığı, öz təcrübəmdə yazının silinməsini tələb etmə faktı ilə rastlaşmamışam”.
Bu sözləri Sportinfo.az-a açıqlamasında Rusiyada çalışan azərbaycanlı jurnalist Anar ibrahimov deyib.
Bu ölkədəki fəaliyyətindən danışan həmkarımız aşağıdakıları söyləyib:
“Hansısa tənqidi yazıya, yaxud ifşa xəbərinə görə redaksiyaya zəng vurub yazının silinməsini tələb edənlər olur?
Bir dəfə Malik Arutyunov adlı agentdən müsahibə götürmüşdüm. Demişdi ki, Arda Turan “Barselona”da oynayan dönəmdə onu “Rostov”a gətirə bilərdim.
Məhz bu sözlər “Rostov” rəhbərliyinin acığına gəlmişdi ki, bəs niyə o, bu haqda danışır? Deyirdilər ki, niyə siz onu yazırsız?
Keçən il bir nəfərin kluba filan-filan səbəblərə görə götürülməməsi barədə xəbər hazırlamışdım. Tam doğru məlumat idi.
Sonradan haqqında yazdığım adam mənimlə əlaqə saxlayıb müəyyən narazılığını bildirmişdi. Bu kimi hallar olur. Amma yazını sildirmək, artıq söhbətlər etmək - xeyr”.
