Türkiyə I Liqasında 20-ci turun oyunları keçirilir.
Sportinfo.az xəbər verir ki, bu gün Vüsal İsgəndərlinin formasını geyindiyi "Boluspor" səfərdə "Şanlıurfaspor"la üz-üzə gəlib.
Qarşılaşma qonaqların 1:0 hesablı qələbəsi ilə başa çatıb.
Vüsal İsgəndərli də bu görüşün iştirakçısı olub. 28 yaşlı yarımmüdafiəçi matça start heyətdə başlayıb və 90-cı dəqiqədə əvəzlənib.
Xallarını 29-a yüksəldən "Boluspor" turnir cədvəlinin 9-cu pilləsində qərarlaşıb.
