Türkiyə 1-ci liqasında 20-ci turun oyunları keçirilir.
Sportinfo.az xəbər verir ki, bu gün Azərbaycan millisinin hücumçusu Ramil Şeydayevin yeni komandası "Kocaelispor" autsayder "Altay"ın qonağı olub və 2:0 hesabı ilə qalib gəlib.
Ramil Şeydayev bu görüşdə "Kocaelispor"da debüt edib. Start heyətdə meydana çıxan hücumçu 72-ci dəqiqədə əvəzlənib.
O, 40-cı dəqiqədə sarı vərəqə də alıb.
"Kocaelispor"un 2-ci qolunu Ramil Şeydayevi əvəzləyən Kristian Kuaku vurub. O, 90+7-ci dəqiqədə son nöqtəni qoyub.
Bu nəticədən sonra "Kocaelispor" 39 xalla 3-cü, "Altay" 11 xalla 17-ci pillədə qərarlaşıb
"Altay" - "Kocaelispor" 0:2
Qollar: Tanque, 78, Kuaku, 90+7
