Azərbaycan millisinin futbolçusu Ramil Şeydayev “Buriram Yunayted”də məhsuldar ötürmə verib.
Sportinfo.az xəbər verir ki, 27 yaşlı hücumçu “Polis Tero”ya qarşı keçirdikləri Tailand çempionatının V tur matçında ikinci qolun vurulmasında yaxından iştirak edib.
Görüşə start heyətində başlayan Şeydayev 82-ci dəqiqədə əvəzlənib. Matç “Buriram Yunayted”in 2:1 hesablı qələbəsi ilə bitib.
Forvard IV turda “Trat”a 4:0 hesabı ilə qalib gəldikləri qarşılaşmada iki məhsuldar ötürmə ilə yadda qalıb.
