Millimizin hücumçusu Mahir Emrelinin çıxış etdiyi "Dinamo" Sloveniya toplanışında yoxlama oyunu keçirib.
Sportinfo.az xəbər verir ki, Zaqreb təmsilçisi yerli "Koper" klubu ilə üz-üzə gəlib.
Matç 2:2 hesablı bərabərliklə başa çatıb.
Mahir Emreli qarşılaşmaya ehtiyatda başlayıb. 26 yaşlı hücumçu 46-cı dəqiqədə - komandası hesabda 1:2 geridə olarkən Bartol Barişiçin əvəzinə meydana daxil olub.
"Dinamo"nun qollarını Fran Topiç (21) və Antonio Marin (49) vurub.
