“Bu, tərəfsizliyə dair iddia ilə aşkar ziddiyyət təşkil edir”.
Bunu Xarici İşlər Nazirliyinin Mətbuat xidmət idarəsinin rəisi Ayxan Hacızadə tviter hesabında qeyd edib.
O, Fransa xarici işlər naziri Katrin Kollonanın bəyanatına münasibət bildirib.
“Görünür, Fransanın xarici işlər nazirinin “blokada” ilə bağlı bəyanatında Azərbaycanın Qarabağ bölgəsinin erməni sakinlərinin hər iki istiqamətdə sərbəst gediş-gəlişinə məqsədyönlü şəkildə göz yumulur. Bu, tərəfsizliyə dair iddia ilə aşkar ziddiyyət təşkil edir", - deyə Ayxan Hacızadə vurğulayıb.
Katrin Kolonan Azərbaycanın Qarabağ regionundakı ermənilərin hər iki istiqamətdə sərbəst hərəkətinə məqsədyönlü şəkildə göz yumduğunu qeyd edib.
