Uzun çək-çevirdən sonra, nəhayət, Turan Manfovun Yunanıstanın "Olimpiakos" (Volos) klubuna keçidi rəsmiləşdi.
"Səbail"ə məxsus futbolçu icarə əsasında adıçəkilən klubda çıxış edəcək.
Turan artıq bir neçə gündür Yunanıstandadır. Yeni klubu ilə müqaviləyə imza atıb və məşqlərə çıxır.
Amma Manafovun rəsmi oyunlara çıxması bir qədər gec baş tuta bilər. Çünki lisenziyası hələ də hazır olmayıb. Klub rəhbərliyi maksimum çalışır ki, ən yaxın vaxtda problem öz həllini tapsın və yeni transfer komandaya kömək edə bilsin.
Qeyd etdiyimiz maneə üzündən Turan komandasının dünən "Larisa" ilə baş tutan oyununu da buraxmaq məcburiyyətində qalıb.
İkinci liqa klubu "Səbail"in sol cinah müdafiəçisini cari mövsümün sonunadək icarəyə götürüb.
XANOĞLAN / SPORTİNFO.AZ