Legioner futbolçumuz problemlə qarşılaşdı: "Həll olunmasa, ora qayıtmayacam"

17 Yanvar 17:40 Bizimkilər 797
Legioner futbolçumuz problemlə qarşılaşdı: "Həll olunmasa, ora qayıtmayacam"

"Hal-hazırda Bakıdayam. Komandanın təlim-məşq toplanışı dünən başlayıb, amma mən hələ də qoşulmamışam".

Bu sözləri Sportinfo.az-a açıqlamasında "Şkupi"də (Şimali Makedoniya) legioner həyatı yaşayan Elvin Yunuszadə deyib.

Millimizin sabiq müdafiəçisi hələ də Bakıda olmasını klubunda qarşılaşdığı maliyyə problemi ilə əlaqələndirib:

"Maaşlarla bağlı uzun müddətdi gecikmələr var. Söz veriblər ki, tezliklə həll edəcəklər. Gözləyirəm, əgər həll olunmasa, "Şkupi"yə qayıtmağı düşünmürəm".

Yunuszadə hazırkı klubundan ayrılması rəsmiləşsə, verəcəyi qərar barədə də danışıb: "Tam ayrılmamışam deyə kiminləsə danışıq aparmırdım.

Düşünürəm ki, bu düzgün olmazdı. Amma 1-2 günə məsələ həll olmasa, istər yerli, istərsə də xarici klublarla danışıqlara başlayacam".

Digər Xəbərlər
Xəbər Lenti