Azərbaycan millisinin basketbolçusu Cordan Devis Almaniya klubuna keçib.
Sportinfo.az xəbər verir ki, 22 yaşlı basketbolçu şərəfini qoruduğu İspaniyanın "Baksi Manreza" klubundan ayrılıb.
Devis Almaniyanın "Rasta Vexta" klubu ilə mövsümün sonunadək müqavilə imzalayıb. Azərbaycan pasportuna malik basketbolçu cari mövsüm İspaniya Basketbol Liqasında meydana müntəzəm çıxa bilməyib. Bu, əcnəbilərə qoyulan limitlə əlaqədar olub. Devis Çempionlar Liqasında "Baksi Manreza"nın heyətində 5 oyuna orta hesabla 8,6 xal, 4,4 rebaund və 2,2 assist müəllifi olub.