Basketbol üzrə Azərbaycan Kubokunda ikinci finalçı bəlli olub.
Sportinfo.az xəbər verir ki, "Neftçi" həlledici raunda vəsiqə qazanıb.
"Ağ-qaralar" yarımfinalda “Sərhədçi”yə qalib gəlib - 91:73.
Komanda finalda "Xəzri"yə rəqib olub.
Digər cütdə “NTD-İndiqo” “Xəzri” ilə qarşılaşıb. “Xəzri” rəqibinə 78:73 hesabı ilə qalib gələrək finala adlayıb.
Oyunun ən yaxşısı 18 xal toplayan qalib komandanın üzvü Vüqar Məmişov olub.
Azərbaycan Kubokunun final görüşü aprelin 20-də, saat 15:00-da reallaşacaq.
