.jpg)
Sərhədçi İdman Mərkəzində basketbol üzrə Azərbaycan Kubokunun A qrupunda növbəti iki oyun keçirilib.
Sportinfo.az xəbər verir ki, günün ilk oyunu "Neftçi" və "Cəlilabad" arasında baş tutub.
Qarşılaşma "Neftçi"nin 82-71 hesablı qələbəsi ilə yekunlaşıb. Bu qələbə ilə "Neftçi" qrupdan çıxmağı təmin edib.
Ən məhsuldar basketbolçular: "Neftçi" (Ceyms Haforn - 17 xal, 7 ribaund), "Cəlilabad" (Rişon Conson - 18 xal, 6 ribaund)
Günün ikinci oyununda qrupun lideri "Xəzri" "Xırdalan" ilə qarşılaşıb. Oyunu 75-64 hesabı ilə qalib tamamlayan "Xəzri" kubokun yarımfinalına vəsiqəni təmin edib.
Ən məhsuldar basketbolçular: "Xırdalan" (Cakori Arçi - 21 xal, 8 ribaund), "Xəzri" (Ceremi Maklaflin - 22 xal, 17 ribaund)
