.jpg)
Azərbaycan Basketbol Federasiyası (ABF) DÇ-2027-nin Avropa üzrə seçmə mərhələsinin II turunda Kosovo üzərində qələbə qazanan milli komandaya (87:77) pul mükafatı verəcək.
Sportinfo.az xəbər verir ki, bunu ABF-nin prezidenti Emin Əmrullayev deyib.
Qurum rəhbəri A qrupunda keçirdiyi ikinci matçında ilk qalibiyyətini əldə edən Azərbaycan yığmasının çıxışına münasibət bildirib:
“İlk dəfədir dünya çempionatının seçmə mərhələsində çıxış edirik. Bu qələbə Azərbaycan basketbolunun inkişafında irəliyə doğru addımdır.
“Sərhədçi” Olimpiya İdman Mərkəzində əsl bayram ab-havası hökm sürürdü. Bu seçmə mərhələ basketbolumuz üçün yeni nəfəsdir.
Uğurlar artdıqca tribunalara daha çox azarkeş gələcək”.
Yığma ilk turda səfərdə İsveçrəyə 53:72 hesabı ilə uduzub.
