.jpg)
Kiçik ölkələr arasında keçirilən Avropa çempionatında milli komandamız 1/4 final mərhələsində San Marino ilə qarşılaşıb.
Sportinfo.az xəbər verir ki, oyuna fəal başlayan yığmamız yekunda parketdən 68-51 hesablı qələbə ilə ayrılıb.
Qarşılaşmanın ən məhsuldar basketbolçusu 21 xalla millimizin kapitanı Amil Həmzəyev seçilib.
Yığmamız bu qələbədən sonra adını turnirin 1/2 final mərhələsinə yazdırıb.
Azərbaycan millisi qrupda Maltaya 71:73, Andorraya isə 69:72 uduzmuşdu.
Yarımfinalda rəqibimiz Malta komandası olacaq. Oyun 2 iyul tarixində Bakı vaxtı ilə saat 18.15 -də start götürəcək.
