ABŞ-ın qadınlar arasında tələbə basketbol liqasında "Yuta" - "Nevada" matçı zamanı kütləvi toqquşma yaşanıb. Sportinfo.az-ın məlumatına görə, hadisə Nevada Universiteti arenasındakı görüşün üçüncü dövrəsinin sonlarında baş verib.
İnsidentə "Yuta"nın oyunçusunun rəqibi itələməsi səbəb olub. Meydana ehtiyat oyunçular da girdikdən sonra dava böyüyüb. Amma toqquşmanı tezliklə aradan qaldırmaq mümkün olub. Görüş "Yuta"nın overtaymda 55:53 hesablı qələbəsi ilə yekunlaşıb.
