Gürcüstan çempionatının 8-ci turunda Batumi “Dinamo”su ilə oyunun 10-cu dəqiqəsində zədələnən "Samtrediya"nın azərbaycanlı futbolçusu Nicat Qurbanovun durumuna aydınlıq gəlib.
Sportinfo.az klubun mətbuat xidmətinə istinadən xəbər verir ki, ağır zədəyə görə meydanı erkən tərk etməli olan yarımmüdafiəçi bu gün müayinədən keçib.
Qurbanovun əzələ problemi olduğu və azı iki həftə yaşıl meydanlardan kənarda qalacağı məlum olub.
8 turdan sonra hesabında 8 xal olan “Samtrediya” 10 komanda arasında 8-ci pillədə qərarlaşıb. Əsas heyət üzvlərindən olan Nicat bu mövsüm 3 qol vurub.
