Paraqvay dünya çempionatının 1/16 final mərhələsində Almaniya yığmasını məğlub edərək növbəti mərhələyə vəsiqə qazanıb.
Sportinfo/az xəbər verir ki, qarşılaşmanın əsas və əlavə vaxtı 1:1 hesabı ilə başa çatıb.
Paraqvay millisinin heyətində Xulio Ensiso 42-ci dəqiqədə fərqlənib. Almaniyanın qolunu isə 54-cü dəqiqədə Kay Haverts vurub.
Onların 102-ci dəqiqədə vurduğu qol VAR yoxlamasından sonra ləğv edilib.
Qalib penaltilər seriyasında müəyyənləşib. Burada daha dəqiq oynayan Paraqvay futbolçuları 4:3 hesabı ilə qələbə qazanıblar.
Bu, Paraqvay millisinin dünya çempionatlarının pley-off mərhələsində vurduğu ilk qol kimi tarixə düşüb.
Moskvanın "Dinamo" klubunun və Paraqvay yığmasının müdafiəçisi Xuan Kaseres matçın tamamında meydanda olub.
Almaniya millisinin qapıçısı Manuel Noyer isə ardıcıl 10-cu dünya çempionatı oyununda qol buraxaraq antirekordu təkrarlayıb.
Paraqvay millisi 1/8 finalda Fransa - İsveç cütünün qalibi ilə qarşılaşacaq.
