AFFA İcraiyyə Komitəsinin (İK) növbəti iclasının vaxtı dəyişdirilib.
Bu barədə federasiyadan saytımıza bildirilib.
Redaksiyamıza verilən məlumata görə, ali qərarverici orqanın toplantısının vaxtı irəli çəkilib. Yığıncaq iyulun 3-də deyil, iyunun 29-da baş tutacaq.
İK-in tədbirinin gündəliyi genişdir.
Burala qurumun yeni texniki direktorunun təyinatının rəsmiləşməsi, aşağı yaş qrupları üzrə yığma komandaların baş məşqçi postlarına seçmələr daxildir.
Həmçinin Əvəzedicilər Liqasının ləğv edilib-edilməməsi müzakirəyə çıxarılacaq.
Premyer Liqa və II Liqaya aid bəzi yeni qərarların verilməsi də istisna olunmur.
SPORTİNFO.AZ
