Premyer Liqanın XIX turunda “Qəbələ” “Qarabağ”ı qəbul edir. Sportinfo.az-ın məlumatına görə, matçın gedişində yerli azarkeşlər fəallıq nümayiş etdirirlər. Bir qrup qəbələli tərəfdar qonaq komandaya şüarla jest edib.
Belə ki, “Məsafə 410 kilometr, qardaşlıq sonsuza qədər” yazılı pankartı nümayiş etdirən azarkeşlər bununla iki komanda arasındakı rəqabətlə yanaşı əbədi dostluğa da işarə vurublar.
Ev sahiblərinin azarkeşləri ilk hissədə Hakimlər Komitəsinin sədri Xaqani Məmmədovu "yad edib". Belə ki, yerli fanatların “Qardan adam oldu, Xaqanidən olmadı” sözləri yazılmış pankartı diqqət çəkib. Onlar bununla Məmmədovdan narazılığını ifadə ediblər (apasport.az).
.jpg)
