Çempionlar Liqasının 1/8 finalında keçirilən “Benfika” - “Borussiya” oyunundan əvvəl (1:0) insident yaşanıb. Sportinfo.az xəbər verir ki, Portuqaliya polisi dortmundlu azarkeşlərə hücum edib. Bu barədə “Borussiya”nın fan-klubunun “tvitter” səhifəsində məlumat yayılıb.
Məlumata görə, polis heç bir səbəb göstərmədən azarkeşləri döyüb. Döyülən azarkeşlərin şəkilləri sosial şəbəkələrdə yayılıb. Daha bir məlumata görə isə dortmundlu azarkeşlər 30 dəqiqə stadiona buraxmayıblar. Səbəb kimi biletləri yoxlayan sistemin sıradan çıxması göstərilib.
