Bu gün saat 20.00-dan etibarən gözlər Bakı Olimpiya Stadionun yaşıl meydanına dikiləcək.
Azərbaycan millisi DÇ-2022-nin seçmə mərhələsi çərçivəsində qrup sonuncusu olmamaq mabarizə apardığı rəqibi – İrlandiya seçməsini qəbul edəcək.
Bu oyunda yığmamızın üstün tərəflərindən biri doğma meydanda oynamasıdır. Başqa cür desək, azarkeş dəstəyinə bel bağlayacaq.
Futbolsevərlərin bu oyuna nə dərəcədə maraq göstərdiyini öyrənmək üçün AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdullanı aradıq.
Assosiasiya rəsmisi Sportinfo.az-a bilet satışı ilə bağlı məlumat verdi: “Bu gün saat 12-yə olan məlumata görə, 10 minə yaxın bilet satılıb.
Oyunun başlamasına 8 saat vaxt qaldığını nəzərə alsaq, sayın artacağına ümid edirik. Matç saatına qədər biletlər satışda olacaq”.
Azərbaycan – İrlandiya qarşılaşmasını stadionun ümumi tutumunun 50 faizi qədərində azarkeş canlı izləyə bilər. Bu isə, 30 mindən çox tamaşaçı deməkdir.