"Qarabağ" hazırda ötən mövsümün yorğunluğunu çıxarır. Qurban Qurbanovun istirahəti isə futbol oynamaqla keçirir. Ağdamlıların baş məşqçisi Suraxanıda yerləşən bazada "İmarət" fanklubunun üzvləriylə meydançanı bölüşüb.
Hər iki komandada 6 nəfər yer alıb. Qurbanovun köməkçilərindən Müşfiq Hüseynov, texniki işçilərdən Şahid Həsənov, Adil Nadirovun oğlu Kamil azarkeşlərə gücünü nümayiş etdirməyə çalışıb. Sportinfo.az xəbər verir ki, matç 8:8 bitib, Qurbanov sonuncu qolu fanlara hədiyyə edib. Oyundan sonra tərəflər süfrə arxasına keçiblər.
