Belçika millisinin hücumçusu Romelu Lukaku ölkəsinin futbol tarixinə düşüb.
Sportinfo.az xəbər verir ki, bu, AÇ-2020-nin seçmə qrup mərhələsinin 7-ci turunda qeydə alınıb.
"Qırmızı şirlər"in San Marino millisini 9:0 hesabı ilə darmadağın etdiyi qarşılaşmada dubl edən 26 yaşlı forvard 83-cü yığma oyununda 51 qol həddinə çatıb. Bu, Belçika tarixində ilkdir.
Lukaku 2010-cu ildən milli formanı geyinir. Onun komandası 7 görüşə maksimum nəticə ilə AÇ-2020-nin final mərhələsinə vəsiqə qazanan ilk komanda olub.

